مانگا منڈی میں 2 بچوں کو آگ لگانے والی سنگ دل ماں کا ویڈیو بیان

مانگا منڈی میں 2 بچوں کو آگ لگانے والی سنگ دل ماں کا ویڈیو بیان


لاہور: مانگا منڈی میں 2 بچوں کو آگ لگانے والی سنگ دل ماں کا ویڈیو بیان سامنے آ گیا۔

تفصیلات کے مطابق لاہور میں مانگا منڈی کے علاقے میں اپنی دو بچوں کو نذر آتش کرنے والی سنگ دل ماں تنزیلہ بی بی نے ویڈیو بیان میں بچوں کو آگ لگا کر قتل کرنے کا اعتراف کر لیا۔

خاتون نے کہا کہ اس نے خود کو اور بچوں کو جلانے کے لیے پٹرول چھڑک کر آگ لگائی، بچوں کوگلہ دبا کر نہیں مارا، آگ لگائی تو میٹرس سمیت دیگر اشیا کو آگ نے لپیٹ میں لے لیا۔

ملزمہ نے ویڈیو بیان میں کہا ’جب میں نے آگ لگائی تب میں اور بچے چارپائی پر موجود تھے، میری خالہ کی بیٹی نے کمرے میں لگی آگ دیکھ کر بچوں کو بچانے کی کوشش کی۔‘

گرفتار خاتون کا اعتراف جرم

خاتون نے کہا میں نے بچوں کو مارنے سے قبل کمرے میں سگریٹ بھی سلگایا، شوہر اکثر تشدد کرتا تھا، بچوں سمیت گھر سے نکالنے کی دھمکی دیتا رہتا تھا، جس دن واقعہ ہوا، اس دن شوہر کی بھائی کے ساتھ لڑائی ہوئی تھی۔

واضح رہے کہ یہ واقعہ گزشتہ روز مانگا منڈی میں پیش آیا، جس میں ایک ماں نے اپنے 3 سالہ بیٹے فیضان اور 2 سالہ عبدالرحمان کو کمرے میں آگ لگا کر قتل کیا تھا، جس پر پولیس نے انھیں گرفتار کیا اور بچوں کے دادا غلام رسول کی مدعیت میں تنزیلہ بی بی کے خلاف قتل کی دفعات کے تحت مقدمہ درج کیا گیا۔

اہل محلہ نے پولیس کو بتایا کہ تنزیلہ بی بی کا چھوٹے موٹے معاملات پر اکثر اپنے خاوند سے جھگڑا رہتا تھا، جس کے باعث ان کی ازدواجی زندگی میں شدید تلخی پائی جاتی تھی، شوہر سے جھگڑے کے بعد خاتون اکثر والدین کے گھر چلی جاتی تھی، 6 ماہ قبل ان کے درمیان ایک تنازع پیدا ہوا، جس کے باعث شوہر وقاص نے اپنے والدین کو بھی قتل کرنے کی کوشش کی تھی، جب کہ ملزمہ کے شوہر وقاص کئی بار اس کا اظہار کرچکا تھا کہ اس کی بیوی بچوں کو قتل کر دے گی۔

Comments





Source link

Leave a Reply

Your email address will not be published. Required fields are marked *