انٹرنیشنل مقابلہ، پاکستانی فائٹر نے 56 سیکنڈ میں‌ بھارتی کھلاڑی کو زیر کردیا

انٹرنیشنل مقابلہ، پاکستانی فائٹر نے 56 سیکنڈ میں‌ بھارتی کھلاڑی کو زیر کردیا


سنگاپور میں جاری ون چیمئن شپ تھری کے ناک آؤٹ مقابلے میں پاکستانی مکس مارشل آرٹ فائٹر نے بھارتی کھلاڑی کو 56 منٹ میں ہی زیر کردیا۔

سنگاپور میں جاری مکس مارشل آرٹس مقابلے (ون چیمپئن شپ ناک آؤٹ) کے پہلے راؤنڈ میں پاکستانی فائٹر احمد مجتبیٰ کا آج بھارتی کھلاڑی راہول راجو کے ساتھ مقابلہ ہوا۔

پاکستانی کھلاڑی احمد مجتبیٰ نے روایتی حریف کو 56 سیکنڈ میں زیر کر کے فتح اپنے نام کی اور انہوں نے اس جیت کو کشمیریوں کے نام کردیا۔

قبل ازیں احمد مجتبیٰ نے وعدہ کیا تھا کہ وہ یوم یکجہتی کشمیر کے روز ہونے والے مقابلے میں بھارتی کھلاڑی کو شکست دینے کی بھرپور کوشش کریں گے اور پھر اس فتح کو کشمیری عوام کے  نام کریں گے۔

مقابلہ شروع ہونے کے 56 سیکنڈ کے اندر ہی احمد مجتبیٰ نے بھارتی کھلاڑی کے منہ پر زور سے مکا مارا جس کے بعد وہ گر گیا یوں پاکستانی فائٹر کو میچ کا فاتح قرار دیا گیا۔

بھارتی کھلاڑی راہول عرف کیرالا کروشر کا کہنا ہے کہ وہ اس بات پر حیران ہیں کہ ایک منٹ کے اندر ہی احمد متجبیٰ نے انہیں شکست دے دی۔

واضح رہے کہ احمد مجتبیٰ اب تک 3 انٹرنیشنل فائٹس میں فتح حاصل کرچکے ہیں جبکہ مجموعی کیریئر کی بات کی جائے تو انہوں نے دس مقابلوں میں حصہ لیا جن میں سے 8 میں فتح حاصل کی۔

Comments



Source link

Leave a Reply

Your email address will not be published. Required fields are marked *